काठमाडौं, १८ असोज — माछापुच्छ्रे बैंकले आफ्ना ग्राहकहरूलाई अझ स्मार्ट, सहज र ग्राहकमैत्री बैंकिङ सेवा प्रदान गर्ने आफ्नो निरन्तर प्रतिबद्धतास्वरूप नयाँ ग्राहक सेवामुखी च्याटबोट ‘माया’ (MAYA) लाई औपचारिक रूपमा सार्वजनिक गरेको छ।
बैंकको आधिकारिक वेबसाइट ([www.machbank.com](https://www.machbank.com)) मा ‘माया’ को आइकन राखिएको छ, जसको माध्यमबाट ग्राहकहरूले बैंकसम्बन्धी आफ्ना जिज्ञासा तथा जिज्ञासाहरू च्याटमार्फत राख्न र समाधान गर्न सक्नेछन्।
ग्राहकलाई प्राथमिकतामा राखेर विकास गरिएको यो एक अन्तरक्रियात्मक डिजिटल प्लेटफर्म (Interactive Digital Platform) हो। सामान्य जानकारी वा बैंकिङ सेवाका लागि बैंकका शाखा कार्यालयहरूमा पुग्नुपर्ने वा बैंक कर्मचारीहरूसँग प्रत्यक्ष सम्पर्क गर्नुपर्ने आवश्यकतालाई कम गर्दै आवश्यक सूचनाहरू सजिलै प्राप्त गर्न सकिने उद्देश्यले यस प्रविधिको विकास गरिएको हो।
