काठमाडौँ, २ पुसः वैदेशिक रोजगारीका लागि युके पठाउने भन्दै रु ५२ लाख ठगी गरेको अभियोगमा प्रहरीले एक जनालाई पक्राउ गरेको छ । कास्की पोखरा महानगरपालिका–१५ घर भई हाल काठमाडौँ महानगरपालिका–१२ बस्ने ५० वर्षीय लालबहादुर बराइली पक्राउ परेका काठमाडौँ उपत्यका अपराध अनुसन्धान कार्यालयले जनाएको छ ।

कार्यालयका प्रवक्ता काजीकुमार आचार्यका अनुसार बराइलीले एक जना पीडितलाई रोजगारीका लागि युके लैजाने भन्दै रु ५२ लाख रकम लिई लामो समयसम्म झुक्याएर राखी युके नपठाई सम्पर्कविहीन भएका उजुरीका आधारमा निजलाई पक्राउ गरिएको हो ।

पक्राउ परेका बराइलीलाई थप अनुसन्धान तथा आवश्यक कारबाहीका लागि वैदेशिक रोजगार विभाग ताहाचल पठाइएको प्रवक्ता आचार्यले बताउनुभयो । रोजगारीका लागि विदेश पठाउने नाममा ठगी गर्ने क्रम बढेकाले त्यसतर्फ सचेत रहन प्रहरीले सबैमा आग्रह गरेको छ ।

व्यवसायीको आन्दोलनले आजदेखि देशभरका म्यानपावर ठप्प, हजारौँ श्रमिकको वैदेशिक रोजगारी अन्योलमा

नेपाली जनसम्पर्क समिति फ्रान्सको अध्यक्षमा सर्वसम्मत रूपमा शिवराम भण्डारी निर्वाचित

विभिन्न कार्यक्रम गरी मनाइयो मोरक्कोको राष्ट्रिय दिवस

गैरकानुनी रूपमा बसेका २४ बङ्गलादेशी नागरिक पक्राउ

सम्पर्कविहीन श्रीमान् खोज्दै रुस पुगेकी श्रीमतीको पनि मृत्यु भएपछि…

परिश्रमको मूल्य नपाएपछि विदेशिन बाध्य : नौ महिनामै चार ठाउँमा काम गर्दा पनि सम्मान र ज्याला नहुँदा वैदेशिक रोजगारीको बाध्यता