साउन २८ काठमाण्डौँ । नेकपा एमालेका अध्यक्ष केपी शर्मा ओलीको गृहमन्त्री बिरुद्धको आक्रोश अझै मत्थर नभएको देखिएको छ । कम्बोडियाबाट फर्किदा विमानस्थलमै उनले औला ठड्याउदै गृहमन्त्रीलाई जथाभावी नबोल्न चेतावनी दिएका थिए ।
त्यसको भोलीपल्ट संसदीय दलको बैठक मार्फत गृहमन्त्री श्रेष्ठको राजीनामा माग्दै संसद अवरुद्ध गर्ने निर्णय ओलीले गराएका थिए । त्यसपछि साउन १० गतेदेखि लगातार एमालेले संसद अवरुद्ध पारिरहेको छ ।
आज पार्टी कार्यलय च्यासलमा आयोजित पत्रकार सम्मेलनमा पनि ओलीले गृहमन्त्री असफल भईसकेको र रोष्ट्रममा गएर गफ मात्र दिईरहेको भन्दै बिरोध जनाए ।
गृहमन्त्रीले संसदको रोष्ट्रममा राजीनामा गर्न बाहेक अन्य कुरा बोल्न जानु अनौठो भएको ओलीको जिकिर छ ।
एक क्वीन्टल सुन समातिएपछि कुनै कोट वा टार अर्थात बालकोट र बालुवाटारकै मान्छे भए पनि छाड्दिन भन्ने अभिव्यक्ति गृहमन्त्रीले विमानस्थलमा दिएका थिए । सो अभिव्यक्तिलाई लिएर ओली आक्रोशित बन्दै आएका छन् ।
