काठमाडौँ साउन २८ । प्रमुख प्रतिपक्ष नेकपा (एमाले) का अध्यक्ष केपी शर्मा ओलीले एमालेले संसद अवरोध नगरेको दावी गरेका छन् । साउन १० गते कम्बोडियाबाट फर्के लगत्तै गृहमन्त्रीको राजीनामा माग्दै ओलीको निर्देशमा एमाले सांसदले सदन चल्न दिएका छैनन् ।
तर आज पार्टी कार्यलयमा आयोजित पत्रकार सम्मेलनमा ओलीले आफूहरुले संसद चलाउन खोजे पनि सत्ता पक्षले अवरोध गरिरहेको बताए ।
“ुसंसद् अवरोध हुनै हुँदैन, गर्नै हुँदैन । संसद् देश र जनताका लागि काम गर्ने थलो हो । संसद्ले निर्वाध ढंगले काम गर्न पाउनुपर्छ । संसद्ले देश र जनताका पक्षमा बोल्ने, आवाज उठाउने हो । ” ओलीले भने ।
सुन तस्करीले देशलाई अप्ठ्यारोमा पारेको उनले बताए ।
ओलीले सुन तस्करीको छानबिनका लागि संसदीय समिति स्वीकार नगर्ने बताएका छन् । वहालवाला वा पूर्व न्यायाधीशको नेतृत्वमा उच्चस्तरीय स्वतन्त्र छानबिन समिति बन्नुपर्ने उनले बताए ।
अहिलेको सरकार नालायक भन्दै नैतिकता भए राजीनामा दिएर बस्नु पर्ने ओलीको टिप्पणी छ ।
