साउन १८ काठमाण्डौँ । पछिल्लो समय निरन्तर संसद अवरुद्ध गर्दै आएको एमालेले राष्ट्यि सभाको बैठक समेत अवरुद्ध गर्न शुरु गरेको छ ।
प्रतिनिधिसभामा साउन १० देखि अवरोध गरिरहेको एमाले बिहीबार दिउँसो १ बजेका लागि बोलाइएको राष्ट्रिय सभाको बैठकमा पनि अवरोध गरेर चल्न नदिएको हो।
बैठकको सुरुमा बोल्दै एमाले सांसद भैरवसुन्दर श्रेष्ठले गत साउन ३ गते त्रिभुवन विमानस्थल बाहिरबाट बरामद भएको एक क्विन्टल सुन तस्करी प्रकरणमा उच्चस्तरीय छानबिन समिति बनाइनुपर्ने माग गरे।
श्रेष्ठले यो प्रकरणमा जोसुकै संलग्न भएपनि उनीहरुलाई कानुनी दायरामा ल्याउने गरी उच्चस्तरीय छानबिन समिति बनाउन सरकार तयार नभएपछि अवरोधमा उत्रिनुपरेको बताए।
क्विन्टल सुन तस्करी प्रकरणमा सरकारले उच्चस्तरीय छानबिन समिति नबनाएपछि राष्ट्रिय सभाको बैठक चल्न नदिने निर्णय भएको श्रेष्ठले भने।
सांसद श्रेष्ठले साउन ३ गते भएको सुन तस्करी प्रकरणमा रेडी ट्रेड प्रालि नामको कम्पनीलाई सेटिङकै सामान आयात गर्न अनुमति दिइएको बताए।
