साउन १४ काठमाण्डौँ । प्रधानमन्त्री प्रचण्डले संसदमा एमालेको अवरोध हटाउने प्रयासका लागि एमाले अध्यक्ष केपी ओलीसँग छलफल गरेका छन् ।
आज बालुवाटारमा भएको छलफलमा प्रधानमन्त्रीले सुन तस्करीको विषयमा अनुसन्धान गंभीर तरीकाले भईरहेकाले संसदमा अवरोध गर्नु आवस्यक नभएको भन्दै ओलीलाई ध्यानाकर्षण गराएका थिए ।
ओलीले भने गृहमन्त्रीको अभिव्यक्ति ठीक नभएको भन्दै स्पष्ट पार्नु पर्ने अनि मात्रै संसद खोल्ने बताएको बुझिएको छ ।
एमालेले गृहमन्त्रीको राजीनामा माग्दै संसद अवरोध गर्दै आएको छ । संसदको बैठक सोमबार बस्न लागेकाले सो अवरोध हटाउने प्रधानमन्त्रीले प्रयास गरेका हुन् ।
यसै गरी उनीहरुबीच संवैधानिक परिषद्को बैठक बोलाउने विषयमा पनि छलफल भएको थियो । यसै गरी कोशी प्रदेशमा नयाँ सरकार गठनका विषयमा पनि कुराकानी भएको बताईएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
