असार १६ पोखरा । प्रधानमन्त्री एवं नेकपा (माओवादी केन्द्र) का अध्यक्ष पुष्पकमल दाहाल प्रचण्डले पूर्वमाओवादी शक्तिहरूबीच पार्टी एकताका लागि ठोस पहल भइरहेको बताएका छन् ।
आज पोखरामा उपलब्ध माओवादी केन्द्रका केन्द्रीय सदस्य एवं प्रदेश पदाधिकारीहरूसँग अन्तरक्रिया गर्दै प्रधानमन्त्री प्रचण्डले भने, माओवादी कमजोर हुँदा सिङ्गो परिवर्तन कमजोर हुन्छ। हामी शक्तिशाली हुँदा मात्र देश सही दिशामा अगाडि बढ्छ। त्यसैले परिवर्तनका मुद्दा रक्षा गर्ने जिम्मेवारी पनि हाम्रै हो। त्यसका लागि हामी सबैले देशको पक्षमा सोच्न र काम गर्न जरुरी छ।”
माओवादीसँग ईतिहास, त्याग र बलिदान एवं जनताको अपेक्षाको तागत रहेको भन्दै पार्टी रुपान्तरण गरेर देश निर्माणको पक्षमा लाग्नु पर्ने उनले बताए ।
ुप्रचण्डले ुसमाजवादी मोर्चाले समाजवादको आधार निर्माणका लागि काम गर्ने पनि बताए ।
