असार ११ काठमाण्डौँ । काँग्रेस सभापति शेर बहादुर देउवा सिंहापुरमै हुँदा नेपालमा दोस्रो तहमा एमाले र काँग्रेसका नेताहरुबीच छलफल बाक्लिएको र सरकार ढाल्ने कसरत भएको चर्चा चल्यो ।
देउवा पत्नी र छोरा सहित सिंहापुर गएर निर्धारित समय भन्दा लामो अवधि बसेपछि प्रधानमन्त्री प्रचण्डमा पनि शसंका पैदा भएको थियो ।
एमाले नेताहरुले आफूहरुले चाहेमा एक साता भित्र सरकार ढाल्न सक्ने भन्दै सार्वजनिक घोषणा गर्न थालिसकेका थिए । एकातिर बजेटप्रति गठबन्धन भित्र समेत असन्तुष्टी रहेका बेला सरकार फेर्ने चर्चा सामान्य थिएन ।
अक्सर कम मात्र सार्वजनिक अभिव्यक्ति दिने सभापति देउवा सिहापुरबाट फर्किएपछि पार्टी नेताहरुसँग छलफल गरी प्रधानमन्त्री भेट्न गए । सो बखत प्रधानमन्त्रीले सरकार फेर्ने चर्चा छ , के हो कुरा ? भनेपछि देउवाले आफूले सिंहापुरमा कसैलाई नभेटेको उपचार मात्र गरेर फर्किएको भन्दै सरकार ढाल्ने कुरामा नलाग्ने स्पष्ट पारेका थिए ।
त्यसपछि माधव नेपाल सहित गठबन्धनका अन्य नेता पनि छलफलमा सामेल भएका थिए ।
आफू निकट बालकृष्ण खाँडलाई जेल हालेपछि देउवा बिच्किएको चर्चा चल्दै गर्दा सरकार फर्ने कुरा आएको थियो । उता एमाले पनि आफ्ना नेताहरुलाई जेल पठाएकामा असन्तुष्ट रहेको बुझिएको थियो ।
पार्टी केन्द्रीय समिति र संसदीय दलमा स्पष्ट बहुमतमा रहेका देउवाले सरकार नफेर्ने भनेपछि अन्यको अभिव्यक्तिबाट सरकार तलमाथि नहुने माओवादी नेताहरुको बुझाई रहेको छ ।
गठबन्धनमा समझदारी अनुसार २ वर्ष प्रधानमन्त्री प्रचण्ड रहने र त्यसपछि काँग्रेसको नेतृत्वमा नयाँ सरकार बनाउने समझदारी रहेको छ ।
