काठमाडौँ जेठ १७। प्रधानमन्त्री पुष्पकमल दाहाल ‘प्रचण्ड’ आज चार दिने औपचारीक भ्रमणका लागि भारत जाँदैछन् । आज दिँउसो १ : ३० बजे नेपाल वायु सेवा निगमको जहाजबाट प्रधानमन्त्री प्रचण्ड सरकारी प्रतिनिधिमण्डल दिल्ली जानेछ ।
प्रचण्ड स्थानीय समयअनुसार २ बजेर ५५ मिनेटमा इन्दिरा गान्धी अन्तर्राष्ट्रिय विमानस्थलमा अवतरण गर्ने तय भएको छ ।
प्रधानमन्त्री प्रचण्डको उच्चस्तरीय भेटवार्ता बिहीबारदेखि मात्रै सुरु हुनेछ । सो दिन भारतीय राष्ट्रपति द्रौपदी मुर्मु, भारतीय समकक्षी नरेन्द्र मोदी, विदेशसचिव एस जयशंकरलगायतसँग भेटवार्ता हुने तय भएको छ । प्रधानमन्त्रीलाई हैदरावाद हाउसमा विशेष समारोहका बीच प्रधानमन्त्री मोदीले स्वागत गर्ने कार्यक्रम रहेको छ । यस्तै उनले भारतीय बुद्धिजीवी र दलका नेतासँग पनि भेटवार्ता गर्नेछन् ।
त्यसअघि बुधबार भने प्रधानमन्त्री नेपाली समुदायले आयोजना गर्ने कार्यक्रममा सहभागी हुनेछन् ।
यस क्रममा सीमा विवाद, उर्जा व्यापार, लगानी एवं व्यापार घाटा, हवाई प्रवेश विन्दु जस्ता मुद्धामा छलफल हुनेछ ।
