जेठ ७ काठमाण्डौँ । प्रधानमन्त्री प्रचण्डले आफूले प्रधानमन्त्री भएकै दिनदेखि काम धेरै गर्ने र थोरै बोल्ने संकल्प गरेको बताएका छन् ।
वेपत्ता योद्धा दिवसको अवसरमा आयोजित कार्यक्रममा प्रधानमन्त्रीले आफूले पदमा बहाली भए लगत्तै वेपत्ता र शहीदहरुलाई सम्मान गरेर अघि बढेको बताए ।
जनयुद्ध दिवस मनाउने जस्ता निर्णय पनि आफूले धेरै होहल्ला नगरीकन निर्णय गराएको प्रचण्डको भनाई छ । यो निर्णय कतिपयलाई सहज नलागे पनि आफूले गरीछाडेको भन्दै अयोग्य लडाकुलाई जनही दुई लाख दिने निर्णय ७१ सालमै भएको भन्दै अदालतको फैसला अनुसारै आफूले फेरी दिने निर्णय गरेको प्रधानमन्त्रीको दावी छ ।
यसै गरी उनले सत्य टिआरसी बिधेयक केही दिन भित्रै पारीत गरेर आयोग मार्फत शान्ति प्रकृया टुंगोमा पुर्याउने काम शुरु गरी दुई वर्ष भित्र सबै काम सक्ने बताए ।
कार्यक्रममा काँग्रेस नेता रमेश लेखक, एमाले नेता प्रदीप ज्ञवाली, विप्लव लगायतकाले पनि संवोधन गरेका थिए ।
