जेष्ठ १, काठमाडौँ । नेकपा एमालेले नक्कली भुटानी शरणार्थी प्रकरणमा भइरहेको छानबिनको विषयमा सदनमा जारी दिन माग गरेको छ । एमाले सांसद ठाकुर गैरेले नक्कली भुटानी शरणार्थी प्रकरणमा के भईरहेको छ भन्ने बिषयमा संसद्मा छानबिनसहितको विषयमा संसदलाई जानकारी गराउन माग गरेका हुन् ।उनले सरकारलाई संसद्मा छानबिनसहितको विषयमा जानकारी गराउन रुलिङको माग समेत गरे ।
‘यस्तो जघन्य अपराधमा विषयमा आजसम्म सरकारले यो सार्वभौम संसद्मा यति छानबिन भएको छ यति प्रगति भएको छ नेपाल सरकारलाई भन्न के कारणले समस्या भइरहेको छ,ु गैरेले भने, ‘आज भ्रष्टाचारविरुद्ध देश आन्दोलित छ । अन्तर्राष्ट्रिय समुदायको ध्यानाकृष्ट भएको छ । यसको अनुसन्धानमा ढिला सुस्ती केही आलटाल किन भइरहेको छ । यसमा निष्पक्ष छानबिनको विषयमा जनतालाई विश्वास छैन । ‘
नेपाली नागरिकलाई नक्कली भुटानी शरणार्थी बनाएर पठाउन खोज्ने पूर्वउपप्रधानमन्त्री टोपबहादुर रायमाझी, पूर्वगृहमन्त्री बालकृष्ण खाँण, नेपाल सरकारका सचिव टेकनारायण पाण्डेसहित १३ जनालाई प्रहरीले पक्राउ गरेर अनुसन्धान थालेको छ ।
