बैशाख १८ काठमाण्डौँ । प्रधानमन्त्री प्रचण्डले आगामी आर्थिक वर्षबाट योगदानमा आधारित सामाजिक सुरक्षा कार्यक्रम सम्पूर्ण औद्योगिक प्रतिष्ठान, उद्योग र कार्यालयहरूमा अनिवार्य लागू गर्न पहल गर्ने प्रतिवद्धता जनाएका छन् ।
१३२ औँ अन्तराष्ट्रिय श्रमिक दिवसका अवसरमा शुभकामना सन्देश दिँदै प्रधानमन्त्रीले नेपाल अहिले विकास, समृद्धि, स्थिरता र सुशासनको व्यावहारिक अभ्यासको चरणमा प्रवेश गरेको पनि बताएका छन् ।
उनले सम्पूर्ण श्रमिकहरुलाई शुभकामना दिँदै किशान, मजदुरको हक हितका पक्षमा आफू्र उभिरहने प्रण गरेका छन् ।
“नेपाली श्रमजीवी जनतालाई सामाजिक न्यायसहितको समृद्धिको नयाँ युगमा पु¥याउने ऐतिहासिक जिम्मेवारी हाम्रा सामु छ । यो जिम्मेवारी पूरा गर्न म अनवरतरुपमा लागिरहने प्रण गर्दछु ।” प्रधानमन्त्रीले सन्देशमा भनेका छन् ।
रास्ट्रका उच्च स्थानबाट वार्षिक रुपमा प्रदान गरिने विभिन्न सम्मान तथा पुरस्कारमा यसै वर्षदेखि लागू हुने गरी कम्तिमा २ प्रतिशत मजदुरलाई समावेश गर्ने नीति लिइने जानकारी प्रधानमन्त्रीले दिएका छन् ।
