चैत्र २८ काठमाण्डौँ । म स्वास्थ्य मन्त्री हुने भए , पार्टीको कोर टिमलाई अढाई करोड तत्कालै बुझाउनु पर्ने भन्दै मेडिकल व्यवशायी दुर्गा प्रसाईलाई पैसा मागेको अडियो सार्वजनिक भएपछि रास्वपा सांसद ढाका कुमार श्रेष्ठमाथि गंभीर प्रश्न खडा भएको छ ।
दोहोरो नागरिकता र राहदानी हुँदा हुँदै टेलिभिजन प्रवेश गरेर चर्चा कमाएर भ्रष्टाचारीलाई कोच्ने भन्दै पार्टी खोलेका रवि लामिछानेले ठूला दलका बिरुद्ध नारा लगाएर लोकप्रियता बटुले । अहिले तिनै रविले मन्त्री बनाउन पैसा असुलेको आशंका बढेको छ । अडियोमा श्रेष्ठले कोर टिमलाई बुझाउनु पर्ने भनेका छन् । संसदमा पनि प्रश्न उठ्यो कोर टिम भनेको को हो ? कोर टिम भनेको पार्टी सभापति र उनले विस्वास गरेको खास पात्र वा पदाधीकारी बाहेक को हुन सक्छ ?
यो प्रश्न उठ्दै गर्दा बारामा ७२ घण्टा भित्र कार्बाही गर्न सकिन भने मलाई गढीमाईमा बलि चढाउनु होला भन्दै ईमोसनल अभिव्यक्ति दिएर फर्किएका रविले अख्तियारमा आफैले मुद्धा हाल्ने भनेका थिए । तर अहिले उम्म ढाका कुमारमाथि ठोस कार्बाही भएको छैन । छानविन अवधिका लागि मात्रै निलम्वन गरिएको छ ।
ढाका कुमार र उनले भनेको कोर टिममाथि अख्तियार र संसदीय छानविन समिति गठन गरेर अनुसन्धान गर्नु पर्ने देखिन्छ ।
ढाका कुमारमाथि कार्बाही गर्ने विषयमै रास्वपा भित्र विवाद बढेको स्रोतको दावी छ ।
