चैत्र २७ काठमाण्डौँ । रवि लामिछाने नेतृत्वको रास्वपाको सांसद ढाका कुमार श्रेष्ठले स्वास्थ्य मन्त्री हुन मेडिकल व्यवशायी दुर्गा प्रसाईसँग दुई करोड मागेको अडियो सार्वजनिक भए पछि आज संसदमा पनि यो विषयले बहस भएको छ ।
संसदमा बोल्दै काँग्रेस सांसद धनराज गुरुङले माथि बुझाउनु पर्नेछ भनेर भनिएको र त्यो माथिको को हो ? भन्दै उनले संसदीय छानविन समिति बनाएर यस विषयमा छानविन हुनु पर्ने माग गरेका छन् ।
राष्ट्रिय स्वतन्त्र पार्टीका सांसद ढाकाकुमार श्रेष्ठले मन्त्री बन्नका लागि पार्टी सभापति रवि लामिछानेको कोर टिमलाई बुझाउन २ करोड मागेको विषयमा छानबिन गर्न संसदीय समिति गठन गर्नुपर्ने कांग्रेसका उपसभापतिसमेत रहेका सांसद धनराज गुरुङले माग गरे ।
ुप्रतिनिधिसभा सदस्य भइसकेकाहरूले मन्त्री बन्नका लागि कुनै एउटा व्यवसायीसँग बडो पारदर्शी ढंगले गफगाफ गरेको सुनिन्छ । यो भन्दा लज्जाबोध के हुन सक्छ ? उनले भने, अनि सुन्छु दुधको साक्षी बिरालो बसेको । त्यो वार्तामा भनिएको छ कोर टिमलाई बुझाउनुपर्छ । त्यो कोर टिम भनेको को हो ? त्यसको पनि छानबिन गर्नुपर्दैन ? गुरुङले भने ।
यसै गरी एमाले सांसद रिषिकेस पोखरेलले श्वास्थ्यमन्त्रीको भाउ अढाई करोड रहेको भन्दै ब्यग्य गरेका छन् ।
राष्ट्रिय स्वतन्त्र पार्टीका सांसद डा. ढाकाकुमार श्रेष्ठको अडियो प्रकरणबारे उनले भने, ‘स्वास्थ्यमन्त्रीको भाउ दुई करोड रहेछ । अरु अरु मालदार मन्त्रीहरुको कति होला ? ’
रास्वपा सचेतक सन्तोष परियारले ढाका श्रेष्ठले पैसा मागेको विषयमा पार्टीले छानविन गरिरहेको बताए ।
