चैत्र १८ काठमाण्डौँ । नेकपा एमालेले पार्टीप्रति असन्तुष्ट नेता भीम रावलसँग स्पष्टीकरण लिने तयारी गरेको छ । पहिला उनीसँग वार्ता गरेर सहमति खोज्ने र नभए स्पष्टीकरण लिएर आवस्यक निर्णय लिने तयारी भएको एक नेताले बताए ।
उनले एमाले भित्रै बसेर अध्यक्ष ओली सहितका नेताहरुको आलोचना गर्दै आएका छन् ।
केही दिन अघि मात्रै अछाममा पुगेका विष्णु पौडेलले आलोचना गरेपछि रावलले पत्रकार सम्मेलन नै गरेर नयाँ कदम चाल्न सक्ने चेतावनी दिएका थिए ।
त्यसपछि सके सम्म रावललाई पार्टी भित्रै राखेर जिम्मेवारी दिने नभए स्पष्टीकरण लिएर नयाँ निर्णय लिनका लागि वार्ता समिति बनेको एक नेताले बताए ।
रावलले आलोचना गर्दै आएका मध्य एक विष्णु पौडेललाई नै वार्ता टोलीको प्रमुख बनाईएको छ । सो समितिमा रावलले नरुचाएका पूर्व माओवादी नेता लेखराज भट्ट र कण थापालाई राखिएको छ ।
शूरुमा माधव नेपालसँग रहेका रावल पछि महाधिवेशनमा अध्यक्ष ओली बिरुद्ध चुनाव लडेका थिए । त्यसपछि रावल गत निर्वाचनमा टिकट नपाएपछि नेतृत्व बिरुद्ध आक्रामक बन्दै आएका छन् ।
