चैत १५, काठमाडौं । संघीय मामीला तथा सामान्य प्रशासनमन्त्री अमनलाल मोदीले अब आउने संसद् बैठकमा संघीय निजामती सेवा ऐन पेश गर्ने बताएका छन् । उनले स्थानीय पालिकाले जनताको चाहना बमोजिम काम गर्नुपर्ने बताए ।
न्यायीक समितिको राष्ट्रिय सम्मेलन उद्घाटन अवसरमा बोल्दै मन्त्री मोदीले कयौं वर्षदेखि अड्किएको संघीय निजामती सेवा ऐन अन्तिम चरणमा पुर्याइएको बताएका हुन् । अब अर्को संसद् बैठकमा संघीय निजामती सेवा ऐन पेश हुने बताए ।
मन्त्री मोदीले भने,‘स्थानीय पालिकाले जनताको चाहना बमोजिम काम गर्नुपर्छ । संघीय निजामती सेवा ऐन ल्याउने लक्ष्य लिए,सबैको सुझाव लिएर एउटा प्रक्रियामा पुर्याए । कानुन र अर्थ मन्त्रालयमा सहमतिका लागि पुगेको छ ।’
उनले श्रेणीगत कि तहगत भन्ने विवाद अन्त्य गरी तहगत लागू गरिने बताए । ऐनमा उमेरहद ६० वर्ष राखिएको उनको भनाइ छ।
मोदीले भने,‘स्थानीय तहको विकट ठाउँमा कोहि कार्यकारी जान नचाहने अवस्था छ । त्यो कार्यकारी अधिकृत हुँदैन भनेर त कहिले राख्नुपर्यो भनेर ग्रुपग्रुप आउँछ । ’
