फागुन १४, जुम्ला । नेकपा एमालेका सचिव योगेश भट्टराईले पुस १० को सम्झौता विपरीत गए माओवादी पतन हुने बताएका छन् । माओवादी केन्द्रले सम्झौता कार्यान्वयन गर्नुको विकल्प नरहेको भन्दै सम्झौताविपरीत गए माओवादी पतन भएर जाने दाबी गरे ।
एमालेले सञ्चालन गरेको ुमिसन ग्रासरुटु अभियानका क्रममा जुम्ला पुगेका सचिव भट्टराईले माओवादीले पुस १० को सहमति कायम राख्ने विश्वासका कारण एमालेले राष्ट्रपति पदमा उम्मेदवारी दिएको बताए ।
समझदारीकै कारण एमाले सरकारबाट नबाहिरिएको बताउदैँ उनले सम्झौताविपरीत गरे माओवादी पतनको बाटोमा जाने निश्चित रहेको बताए । उनले भने, यो वामपन्थी एक हुने अवसर भएकाले माओवादीले सहमति कार्यान्वयन गर्नेमा आशावादी छौं ।’
सचिव भट्टराईले एकीकृत समाजवादीका अध्यक्ष माधवकुमार नेपालले समेत ठूलो अवसर गुमाएको समेत बताए । राष्ट्रिपतिको उम्मेदवारका लागि एमालेको प्रस्ताव अस्वीकार गर्नु उनका लागि घाटा भएको भट्टराईको भनाइ छ ।
