फागुण ११ काठमाण्डौँ । उपप्रधानमन्त्री एवं भौतिक पूर्वाधार तथा यातायातमन्त्री नारायणकाजी श्रेष्ठले नेपाली कांग्रेससहितको गठबन्धनलाई ब्यूताउने विषय टुंगोमा पुगिनसकेको बताएका छन् ।
नेकपा माओवादी केन्दका वरिष्ठ उपाध्यक्ष एवं उपप्रधानमन्त्री श्रेष्ठले सबै राष्ट्रिय राजनीतिक पार्टीहरुसँग छलफल जारी रहेकाले निष्कर्षमा पुग्न नसकिएको स्पष्ट पारे ।
बिहीबार प्रधानमन्त्री पुष्पकमल दाहाल र नेकपा (एकीकृत समाजवादी) पार्टीका अध्यक्ष माधव कुमार नेपालबीचको भेटवार्तामा सहभागी भएको उनले सञ्चारकर्मीसँग सबै राजनीतिक पार्टीहरुसँग छलफल गरेर मात्रै राष्ट्रपति निर्वाचनको बारेमा निष्कर्षमा पुगिने प्रतिक्रिया दिए ।
यसैबीच, कांग्रेस, माओवादी केन्द्र, एकीकृत समाजवादी र जनता समाजवादी पार्टीबीच बिहीबार नै बैठक बोलाइएको छ । राष्ट्रपति निर्वाचनको बारेमा निष्कर्षमा पुग्न बैठक बस्न लागेको उपप्रधानमन्त्री श्रेष्ठको भनाइ छ ।
