काठमाडौँ माघ ९ । नेपाली कांग्रेसले राष्ट्रपतिमा उम्मेदवारी दिने निर्णय गरेको छ ।
सोमबार विहान कांग्रेस सभापति शेरबहादुर देउवाको निवास धुम्बाराहीमा बसेको पार्टीका शीर्ष नेताको बैठकले सबै दलको सहयोग लिएर राष्ट्रपतिमा उम्मेदवारी दिन निर्णय गरेको हो ।
यस अघि सभामुख र उपसभामुखमा पनि काँग्रेसले उम्मेद्धारी दिएको थियो ।
कांग्रेसले समयमै राष्ट्रपतिको निर्वाचन गराउनका लागि निर्वाचन आयोग र सरकारको ध्यानाकर्षण गराउने निर्णय गरेको प्रवक्ता ढा. प्रकाशशरण महतले जानकारी दिए ।
साथै राष्ट्रपतिमा समर्थन जुटाउन सबै दलसँग पहलका लागि छलफल र वार्ता गर्ने पनि काँग्रेसले निर्णय गरेको छ ।
यस अघि प्रधानमन्त्रीलाई विश्वासको मत दिएर काँग्रेसले राष्ट्रपति र सभामुख मध्य एक पदमा सहयोगको आशा राखेको थियो । प्रधानमन्त्री प्रचण्ड पनि काँग्रेसलाई समेत साथमा लिन राष्ट्रपति र सभामुख मध्य एउटा पद दिने मनशायमा रहे पनि एमालेको असहमतिका कारण सफल हुन सकेका छैनन् ।
राष्ट्रपतिमा साझा व्यक्तिव्य वा काँग्रेसका लागि दिन प्रधानमन्त्री प्रचण्ड सकारात्मक रहे पनि गठबन्धन भित्र सहमति हुने संभावना छैन ।
