पुष १६ काठमाण्डौँ । प्रधानमन्त्री प्रचण्डले आफ्नो तेस्रो कार्यकालमा भाषण भन्दा जनताको काम बढी गर्ने अठोट गरेको बताएका छन् ।
आज चितवनमा नारायणी नमूना माध्यमिक विद्यालयको हिरक महोत्सव समारोहलाई शनिबार सम्बोधन गर्दै उनले अर्थतन्त्रको सुधार र सुशासनको पक्षमा काम गर्ने बताका हुन् ।
प्रधानमन्त्री बनेपछि पहिलोपटक गृहजिल्ला चितवन पुगेका दाहालले भने, मैले यो पटक हरेक दिन देश, जनता, सुशासन र विकासको पक्षमा काम गर्दै जाने प्रतिज्ञा गरेको छु । नेपाल र नेपाली जनताको आवश्यकतालाई सम्बोधनभ गर्दै जाने प्रतिबद्धता लिएको छु । मेरो बाँकी जीवन सुशासन र विकासको निम्ति समर्पित गर्ने भनेर प्रतिबद्धता गरेको छु ।
मैले यसपटक भाषण कम, काम र जनताको सेवा धेरै गरेर प्रस्तुत हुने प्रतिज्ञा गरेको छु , प्रचण्डले भने ।
समृद्धि र सुसासनको नयाँ युग शुरु गर्न सबैलाई एकतावद्ध हुन प्रचण्डले अपील पनि गरेका छन् ।
