मंसीर २६ काठमाण्डौँ । नेपाली कांग्रेसका महामन्त्री गगन थापाले टीकापुर घटनामा मुख्य दोषी ठहर भएर डिल्ली बजार जेलमा रहेका रेशम चौधरीलाई रिहा गर्न अध्यादेश ल्याउन गरेको सरकारको तयारीलाई गलत भएको बताएका छन् ।
उनले सरकारले गरेको गलत निर्णयको भारी पार्टीले बोक्न नसक्ने भन्दै अध्यादेशबारे कांग्रेसको धारणा स्पष्ट रहेको पनि बताएका प्रष्ट पारेका छन्।
महामन्त्री थापाले विगतमा पार्टीले पटक–पटक अध्यादेश ल्याउनु गलत भनेर निर्णय गरिसकेको स्मरण गरउँदै सामाजिक सञ्जालमा लेखेका छन्, ‘अहिले पार्टीभित्र यो अध्यादेशका बारेमा न त कुनै छलफल भएको छ, न कुनै निर्णय नै भएको छ।’
सरकारको अध्यादेश ल्याउने निर्णयको विषय र प्रक्रियाका बारेमा महामन्त्री विश्वप्रकाश शर्माले राखेको धारणा शत प्रतिशत सही भएको उल्लेख गर्दै उनले उक्त धारणा पार्टीकै धारणा र मान्यता भएको पनि स्पष्ट पारेका छन्।
