मंसीर २६ काठमाण्डौँ । टिकापुरको हत्याकाण्डको आरोपमा आजीवन कारावासको सजाय काटिरहेका रेशम चौधरी लगायत राजनीतिक कारणबाट जेलजीवन काटिरहेकाहरूलाई छुटाउनका लागि सरकारले अध्यादेश जारी गर्ने निर्णयको सत्तारुढ दल नेपाली कांग्रेस भित्रैबाट बिरोध शुरु भएको छ ।
काँग्रेसका महामन्त्री विश्वप्रकाश शर्माले अध्यादेश ल्याउने सरकारको निर्णयप्रीत आपत्ति जनाउदै पार्टीहरुबीच छलफल नै नगरी अध्यादेश ल्याएको भन्दै बिरोध गरेका छन् ।
शर्माले सामाजिक सञ्जालमा लेखेका छन्, ‘सडकमा छँदा जे सत्य, संसदमापनि त्यही नै सत्य त्यसैले सार्वजनिक दर्ज होस् असहमति‘ संक्रमणकालमा अध्यादेश ल्याउन दलहरूबिच र आफ्नै दलभित्र घनिभूत छलफलको हेक्का नराखिनु सम्पूर्ण रूपले गलत 1 कानुनी र राजनैतिक प्रश्न मात्र होइन, यो प्रकरणमा नैतिक प्रश्न पनि जोडिएको छ ! ’
रेशम चौधरी सहित विप्लव समुह र सिके राउतका कार्यकर्ता छाड्ने तयारीका साथ अध्यादेश ल्याउने सरकारले आईतबार निर्णय गरेको थियो ।
