मंसिर २१ , काठमाडौँ । वकिलहरुको अवरोधपछि प्रधानन्यायाधीश चोलेन्द्र शमशेर जबरा आज सर्वोच्च प्रवेश गरेनन् । राणा सर्वोच्चमा आउने सूचना पाए लगत्तै कानुन व्यवशायीहरु धर्नामा बसेका थिए ।
यता सरकारले समेत राणालाई सर्वोच्च नजान सरकारले समेत निर्देशन दिएको थियो ।
संसद सचिवालयका महासचिव भरतराज गौतमले २०७८ फागुन १ गते संसदमा दर्ता महाअभियोग निष्क्रिय भएको पत्र दिएपछि चोलेन्द्र सर्वोच्च फर्किने तयारीमा थिए।
बारका पदाधिकारीहरु बैठकलगत्तै चोलेन्द्रलाई रोक्न सर्वोच्चको गेटमा धर्ना बसे। संसद सचिवालयले महाअभियोग निष्प्रभावी भइसकेको पत्र दिए पनि सरकारले उनलाई सर्वोच्च छिर्न नदिन निर्देशन नै दियो।
गृह मन्त्रालयले प्रहरी प्रधान कार्यालयलाई जबरा बालुवाटारबाट आएर सर्वोच्चमा छिर्न खोजे रोक्न निर्देशन दिएको थियो।
सरकारको निर्देशन र वकिलहरुको पनि अवरोधका कारण जबरा सर्वोच्च फर्किन सकेनन्। उनले दिउँसो ३ बजे आफू सर्वोच्चमा हाजिर हुने बताएका थिए।
