मंसीर १० काठमाण्डौँ । प्रतिनिधिसभातर्फ प्रत्यक्षमा तेस्रो स्थानमा रहेको माओवादी समानुपातिकमा सुधार गर्दै तेस्रो स्थानमा उक्लिएको छ ।
समानुपातिक मत गणनामा राष्ट्रिय स्वतन्त्र पार्टीभन्दा सुरुदेखि लगातार पछि रहेको नेकपा माओवादी केन्द्र पहिलोपटक अघि लागेको हो ।
निर्वाचन आयोगले आज दिउँसो १२ः ४५ बजेसम्म सार्वजनिक गरेको तथ्यांकअनुसार समानुपातिक मतमा राष्ट्रिय स्वतन्त्र पार्टीलाई उछिन्दै तेस्रो स्थानमा उक्लिएको हो। आयोगले उपलब्ध गराएको विवरणअनुसार अहिले माओवादी केन्द्रका पक्षमा ८ लाख १ हजार ३ सय ७९ मत आएको छ भने राष्ट्रिय स्वतन्त्र पार्टीले अहिलेसम्म ७ लाख ९९ हजार ७ सय ८२ समानुपातिक मत ल्याएको छ।
समानुपातिकमा पहिलो स्थानमा भने एमाले छ। उसले यो खबर तयार पार्दासम्म १८ लाख ९७ हजार २७ मत पाएको छ। दोस्रोमा रहेको कांग्रेसले १८ लाख ३० हजार ३६ मत प्राप्त गरेको छ।
कुन दलको कति छ समानुपातिक मत ?
राष्ट्रिय स्वतन्त्र पार्टी
७९९७८२
राष्ट्रिय प्रजातन्त्र पार्टी
४१०७५२
जनता समाजवादी पार्टी, नेपाल
२१९०१६
नेकपा एकीकृत समाजवादी
१७२५३८
