रुसले अत्याधुनिक अन्तरमहादेशीय क्षेप्यास्त्र परीक्षण गर्यो
बैशाख ८ एजेन्सी । रुसले युक्रेनमा युद्ध जारी रहेका बेला एक अत्याधुनिक अन्तरमहादेशीय ब्यालेष्टीक मिसाईल परीक्षण गरेको छ । आरएस २८ सरमाट नामक यो क्षेप्यास्त्र देशको उत्तरी क्षेत्रमा सफलतापूर्वक परीक्षण गरिएको रुसी सेनाले जनाएको छ ।
यो क्षेप्यास्त्र परीक्षण सफल भएपछि राष्ट्रपति भ्लादीमीर पुटिनले सेनालाई धन्यवाद दिएका छन् ।
यो क्षेप्यास्त्रले पुरै रुसी आकाशलाई चक्कर लगाएपछि विष्फोट गराईएको थियो ।
यो क्षेप्यास्त्रले वारहेड, हाईपरसोनिक मिसाईल, अन्य थुप्रै हतियारहरु एकसाथ लिएर जाने क्षमता रहेको छ ।
यसले १८ हजार किलो मिटर दुरीसम्म एक घण्टा भित्रै प्रहार गर्न सक्छ ।
यो अनौठो र शक्तिशाली हतियार पछि रुसी सेनाको क्षमतामा बृद्धि भएको र दुष्मनले रुसलाई धम्क्याउनु अघि दुई पटक सोच्ने बताएका छन् । यो हतियार यसै वर्ष रुसी सेनामा सामेल हुँदैछ ।
