चैत्र १४ काठमाण्डौँ । युक्रेनका राष्ट्रपति भोलोदिमोर जेलेन्सकीले नेटो बिरुद्ध फेरी कडा अभिव्यक्ति दिएका छन् । नेटो सदस्य राष्ट्रहरु डरपोक भएको भन्दै रुस बिरुद्ध प्रतिवाद गर्ने एक प्रतिशत पनि शाहस नभएको भिडियो सन्देशमा टिप्पणी गरेका छन् ।
उनले युक्रेनमा नो फ्लाई जोन घोषणा गर्न र युक्रेनलाई युद्ध विमान दिन डराएको भन्दै उक्त आलोचना गरेका हुन् ।
रुसले कब्जा गरेको मारीयोपोलमा नियन्त्रण गर्न लडाकु विमान, टैंक र अत्याधुनिक हतियार चाहिएको भन्दै त्या नदिएकामा उनी पश्चिमा राष्ट्रसँग क्रुद्ध बनेका हुन् ।
सट गन र मेसिन गनले रुसी क्षेप्यास्त्र खसाल्न सकिदैन जेलेन्सकीले भने पश्चिमाहरुले दिएको हतियार पनि अहिले अपर्याप्त भएको बताए ।
एक महिना बढी लामो समयदेखि रुस युक्रेन युद्ध जारी छ । यसमा हजारौँ सेना, सर्वसाधारणको ज्यान गएको छ भने हजारौँ सैन्य तथा गैर सैन्य संरचनाहरु नष्ट भएका छन् ।
