एजेन्सी चैत्र ५ । रुस युक्रेन युद्ध जारी रहेका बेला अमेरीकी राष्ट्रपति जो बाईडेन र चीनीया राष्ट्रपति सि जिन पिगं बीच दुई घण्टा लामो भिडियो वार्ता भएको छ । गएराति भएको वार्तामा चीनीया राष्ट्रपति सि जिन पिगंले अमेरीका र नेटोले सिधै रुससँग वार्ता गर्नु पर्ने, विभेदपूर्ण नाकाबन्दी र प्रतिवन्ध हटाउन आग्रह गरे ।
तर बाईडेनले रुसमाथि प्रतिवन्धको अवधिमा सहयोग नगर्न र ताईवानबाट टाढा रहन सिलाई चेतावनी दिए ।
सि ले वार्ताबाट मात्रै युक्रेन संटक समाधान हुने भन्दै रुसमाथिको नाकाबन्दी र प्रतिवन्धको बिरोधमा चीन रहेको स्पष्ट पारेको चीनीया सञ्चार माध्यमहरुले जनाएका छन् ।
बाईडेनले अमेरीकाले अहिले नयाँ शीत युद्ध नचाहेको, चीनको सिस्टम फेर्न नखोजेको भन्दै ताईवानबाट टाढा रहने भनेका थिए । त्यसपछि सि ले चीन बिरुद्ध बन्दै गरेका मोर्चाबन्दी, ताईवानका पृथकतावादी समुहलाई भईरहेको सहयोग र अभिव्यक्तिलाई गंभीरतापूर्वक आफूले लिईरहेको बताएका थिए ।
यो वार्ता हुनु अघि मात्रै चीनले अमेरीकी दबाब र धम्कीसँग नडराउने चेतावनी जारी गरेको थियो ।
