एजेन्सी चैत्र २ । युक्रेनमा रुसको आक्रमण जारी रहेका बेला तीन छिमेकी देशका प्रधानमन्त्री युक्रेनका राष्ट्रपति भोलोदिमिर जेलेन्स्कीलाई भेटेका छन् ।
युक्रेनका छिमेकी देशहरु पोल्याण्ड, स्लोभेनिया र चेक गणतन्त्रका प्रधानमन्त्रीहरु रेल मार्फत किभ पुगेका हुन । किभ पुगेका उनीहरुले मंगलबार राती युक्रेनी राष्ट्रपति जेलेन्स्कीसँग भेटेर रुस विरुद्धको लडाईमा युक्रेनको पक्षमा रहेको जनाउदै वार्ताबाट समस्या समाधानमा जोड दिएका छन् ।
पोल्याण्डका प्रधानमन्त्री मातेउज मोराविकीले युक्रेनको पराजय सिंगो युरोपको पराजय हुने भन्दै आफूहरु जेलेन्स्कीको साथमा रहेको बताए ।
जेलेन्स्कीले पनि तीन छिमेकी देशका प्रधानमन्त्रीको किएभसम्मका यात्रा युक्रेनका लागि शक्तिशाली प्रदर्शन भएको प्रतिक्रिया दिएका छन् ।
यसैबीच, युक्रेनी राष्ट्रपति जेलेन्स्कीले रुससँगको शान्ति वार्ता यथार्थपरक बन्दै गएको बताएका छन् । चौथो चरणको वार्ताको विषयमा सामाजिक सञ्जालमार्फत उनले वार्ता यथार्थपरक बन्दै गएपनि निकाशका लागि भने समय लाग्ने बताए ।
