एजेन्सी फागुण २३ । रुसले युक्रेनमा आक्रमण गरेको १२ दिन पुगेको छ । यही अवधिमा हजारौँ सेना र सर्वसाधारणको ज्यान गईसकेको छ । युक्रेनको सैनिक तथा गैर सैनिक हजारौँ संरचनाहरु ध्वस्त भएको छ ।
यही बीचमा युद्धका कारण सँंयौ सर्वसाधारणले ज्यान गुमाएका छन् । सुरक्षाको खोजीमा युक्रेनबाट हाल सम्म १५ लाख बढी मानिस बाहिरिएको सँयुक्त राष्ट्रसंघले जनाएको छ । यूरोपमा दोस्रो विश्व युद्धपछिकै ठूलो शरणार्थी संकट पैदा भएको चिन्ता राष्ट्रसंघले गरेको छ ।
यी मध्य केही विदेशी नागरिक छन् धने धेरै जसो युक्रेनी नागरिक छन् । पश्चिमा देशहरुले यी शरणार्थीहरुका लागि पोल्याण्ड, रोमानिया जस्ता युरोपेली मुलुकमा वस्ने खाने अस्थायी प्रवन्ध गरेका छन् ।
युद्ध अझै जारी रहेकाले शरणार्थी संकट अझै बढ्न सक्ने अनुमान गरिएको छ । युद्ध रोक्न चौतर्फी दबाब बढेपनि युद्धरत देशहरु सहमतिमा पुगिसकेका छैनन् ।
