एजेन्सी फागुण १९ । रुसले पुरै युक्रेन कब्जा गर्न चाहेको र युद्धको वास्तविक सुनामी अब केही दिनमा आउने फ्रान्सका राष्ट्रपति ईम्यानुएल म्याक्रोनले दिएका छन् । रुसी राष्ट्रपति भ्लादीमीर पुटिनसँग डेढ घण्टा सम्म टेलिफोनमा कुरागरेपछि म्याक्रोनले यो ब्याख्या गरेको उनका सल्लाहकारलाई उद्धृत गर्दै अन्तराष्ट्रिय सञ्चार माध्यमहरुले जनाएका छन् ।
म्याक्रोनले युद्ध बिराम गराउन निरन्तर पहल गरीरहेका छन् ।
पुटिनले रुसको सुरक्षा सुनिश्चितताका लागि युक्रेन तठस्त राष्ट्र हुनु पर्ने जस्ता शर्त राखेका छन् ।
यता दुबै देशका प्रतिनिधिबीच बेलारुस र पोल्याण्डको सीमानामा वार्ता चलिरहेको छ । त्यसमा युक्रेनले तत्काल युद्ध बिरामको प्रस्ताव दोहोर्याएको छ । तर रुसले आफ्ना शर्तहरु पहिला मान्नु पर्ने बताएको छ ।
उच्च स्रोतलाई उद्धृत गर्दै अन्तराष्ट्रिय सञ्चार माध्यमहरुले जनाए अनुसार युद्धले पुरै बर्बादीतिर गएको युक्रैनका राष्ट्रपति भोलोदिमोर जेलेन्सकीले सिधै पुटिनसँग वार्ता गर्न चाहेका छन् । तर तत्काल पुटिन उनलाई भेट्ने मनशायमा छैनन् ।
