युक्रेनमा सैन्य कार्बाहीको घोषणा गर्दै रुसी राष्ट्रपति भ्लादीमीर पुटिनले अमेरीका र नेटोलाई स्पष्ट चेतावनी दिएका छन् । उनले युक्रेनलाई गैरसैनिकिकरण गर्नु जरुरी भईसकेको भन्दै यसमा सबै आवस्यक फैसला लिईसकिएको र हस्तक्षेप गर्ने जुनसुकै बिदेशी शक्तिलाई ईतिहासमा कहिले पनि नभोगेको परिणाम भोग्नु पर्ने चेतावनी दिएका छन् ।
अमेरीका, बेलायत, युरोपेली युनियनले रुसमाथि प्रतिवन्ध लगाएपछि रुसले यो चेतावनी दिएको हो ।
पुटिनले युक्रेनी सेनालाई हतियार छाडेर घर जान आग्रह गर्दै आफ्ना पूर्वजहरुले नाजीबाद बिरुद्ध लडेको स्मरण गर्न अपील गरेका छन् ।
अहिलेको युक्रेनका शासकहरु नाजीका समर्थक बनेको रुसको आरोप छ । रुसले डोनबासमा नागरिकमाथि युक्रेनले दमन गरेको, युक्रेनलाई रुसको सुरक्षा हित विपरीत नेटोमा सामेल गर्न खोजेको भन्दै यस अघि देखि नै कार्बाहीको चेतावनी दिँदै आएको थियो ।
