भारतभरी यति बेला मुस्लिम छात्राहरुलाई हिजाव लगाएर विद्यालय प्रवेश गर्न नदिईएको घटनाको विरोध र समर्थमा विवाद बढीरहेको छ । कर्नाटकबाट यो माहौल शुरु भएको थियो ।
एक कलेजमा बिकम द्धितीय वर्षमा अध्ययनरत मुस्कान खान स्कुटी लिएर पुगेपछि कक्षा कोठातिर जान खोज्दा विद्यार्थीहरुको एक समुहले जय श्रीरामको नारा लगाउदै उनलाई हिजाब खोलेर मात्रै जान दबाब दिएपछि त्यसको प्रतिवादमा उनी एक्लैले अल्लाह अकबरको नारा लगाएकी थिईन् । त्यो भिडियो अहिले सामाजिक सञ्जालमा भाईरल छ ।
त्यो भीडले मुस्कानलाई तलाई कलेज पढ्नु छ क्याम्पस भित्र जानु छ भने बुर्का निकालेर जा हैन भने फर्किएर जा भन्ने चुनौती दिए पछि उनले एक्लैले अल्लाह अकबरको नारा लगाएकी थिईन् ।
यो प्रकरणलाई लिएर भारतभरका मुसलमान समुदायले मुस्कानको समर्थन गरेका छन् । कतै र्याली नै निकालेका छन् ।
उता पाकिस्तानबाट पनि हिजाब लगाएर स्कुल जान नपाउने भनी गरिउको व्यवहारको निन्दा भएको छ ।
