काठमाडौं, १६ असोज । चीनीया जनमुक्ति सेनाले ताईवानको हवाई क्षेत्रमा दर्जनौँ लडाकु विमान एकसाथ उडाएको छ ।
चीनको स्थापना दिवसमा शुक्रबार ३८ लडाकु विमानले ताइवानको हवाई क्षेत्रमा दुई पटक उडान भरेको समाचार एजेन्सी रोयटर्सले उल्लेख गरेको छ । ताइवानले यो घटनलाई हवाई क्षेत्रको अहिलेसम्मकै सबैभन्दा ठूलो अतिक्रमण भनेको छ ।
ताइवानको रक्षा मन्त्रालयका अनुसार चीनका १८जे-१६, चार सुखाइ-३० लडाकु विमान, परमाणु क्षमताका दुई वटा एच-६बम्बर्स र एउटा एन्टी(सबमरिन लडाकु विमान ताइवान सीमा क्षेत्रमा उडान भरेका हुन् । त्यसपछि थप १३ चिनियाँ लडाकु विमानले हवाई सीमामा प्रवेश गरेको ताइवानको दाबी छ । तर, यसबारे चिनियाँ पक्षको औपचारिक धारणा आइसकेको छैन ।
ताइवान चीनले हवाई क्षेत्रमा अतिक्रमण गरेको आरोप पटकपटक लगाउँदै आएको छ ।
चीनले ताईवान आफ्नै सार्वभौम क्षेत्र मान्दै आएको छ । सन् १९४० अक्टोबर १ मा कम्युनिष्ट पार्टीले सत्ता हातमा लिएपछि भागेका च्याङकाई शेक ताईवानमा गएर बसेदेखि सो क्षेत्रको विवाद कायम रहेको छ ।
ताईवानलाई अमेरीकाको साथ सहयोग रहँदै आएको छ ।
