एजेन्सी जेष्ठ १ । चीनले मानवअधिकारको रक्षक र मुसलमानको शुभचिन्तक बताउने अमेरीकाले प्यालेष्टाईनी मुसलमानमाथि ईजरायली आक्रमणमा मारिरहेका प्यालेष्टाईनी मुसलमानप्रति आँखा चिम्लिएको भन्दै आपत्ति जनाएको छ ।
प्यालेष्टाईनीहरुलाई कस्तो युद्ध र आपतको स्थितिमा पुर्याईएको छ त्यो अमेरीकाले नखेखेको भन्दै चीनले चिन्ता जनाएको हो ।
सिन्जियाङको उईगुर मुसलमानको चिन्ता गर्ने अमेरीकाले प्यालेष्टाईनी मुसलमानलाई किन देख्दैन ? चीनले भनेको छ ।
चीनीया विदेश मन्त्रालयका प्रवक्ता हुवा चनयिङले सुरक्षा परिषद्को १४ मे मा बोलाईएको बैठक अमेरीकाकै कारण १६ मे मा धकेलिएको बताईन् ।
सुरक्षापरिषद्को बैठक अझै टार्नु भनेको प्यालेष्टाईनी मु्सलमान समुदायलाई थप संकटमा धकेल्नु हुने उनको तर्क छ ।
ईजरायल प्यालेष्टाईनबीचको संघर्षलाई चीनले गंभीरताका साथ लिएको उनले बताईन् ।
ईजरायली आक्रमणप्रति राष्ट्र संघलाई वक्तव्य जारी गर्नबाट समेत रोकेको भन्दै अमेरीका पुनः अन्तराष्ट्यि समुदायको भावना विपरीत खडा भएको चीनले जनाएको छ ।
गाजामा मात्रै ईजरायलले अन्धाधुन्ध बमबारी गर्दा १३२ प्यालेष्टाईनी नागरिकको मृत्यु भएको छ । जसमा ३२ जना बच्चाहरु र २१ महिला रहेका छन् ।
ईजरायलले हवाई हमला गर्दै स्थल आक्रमण पनि शुरु गरेको छ । गाजा, वेष्ट बैंक लगायतका अन्य क्षेत्रमा समेत हिंशा फैलिएको छ । टर्की, साउदी अरब लगायतका मुस्लिम देशहरुले आपत्ति जनाएका छन् ।
