कु गरेर सत्ता हातमा लिएको म्यानमारको सेनाले पुनः प्रदर्शनकारीमाथि रक्तपात मच्चाएको छ । आईतबार एकै दिन यांगुनमा मात्रै २१ जना सर्वसाधारणको मृत्यु भएको बिबिसीले जनाएको छ । अन्य दर्जनौ घाईते भएको र मृतकको संख्या अझै बढ्न सक्ने स्वास्थ्यकर्मीहरुले बताएका छन् ।
कु को बिरुद्ध आन्दोलनरत नागरिकमाथि यस अघि पनि एकै दिन ३८ जनाको हत्या गरिएको थियो ।
आन्दोलनकारी दलका उपनेताको चरम यातनाका कारण हिरासतमै मृत्यु भएको थियो भने संयौ नागरिकलाई जेल हालिएको छ ।
यांगुनमा आईतबार सडकमा टायर र ब्यारीकेड थुपारेर बसेका प्रदर्शनकारीमाथि सेनाको ट्रक सामुन्ने आईपुगे पछि अन्धाधुन्ध फायरीगं गरिएको थियो ।
यांगुनमा रहेको चीनीया उद्योगहरुमाथि प्रदर्शनकारीले आक्रमण गर्नुका साथै लुटपाट मच्चाएको, संरचनामा क्षति पुर्याएको, कर्मचारी घाईते बनाएको रिपोर्ट पछि पुगेको सेनाले गोली बर्षाएको थियो ।
