एजेन्सी माघ २३ । रुसमा हालै पक्राउ गरि थुनामा राखिएका बिपक्षी एलेक्सी नेवलनीको पक्षमा भएको प्रदर्शनमा अवैध रुपमा सहभागी भएको भन्दै रुसले जर्मनी, स्वीडेन र पोल्याण्डका कुटनीतिक प्रतिनिधिलाई देश निकाला गरिदिएको छ । यो जानकारी रुसी विदेश मन्त्रालयले युरोपेली युनियनलाई जानकारी दिएको छ । जनवरी २३ मा भएको प्रदर्शनमा उनीहरु सहभागी भएको रुसको दाबी छ ।
तर ती देशहरुले रुसको यो निर्णयप्रति असन्तुष्टी जनाउदै सहभागी नभएको जिकिर गरेको छ । यसले रुस र युरोपेली युनियनबीच सम्बन्ध थप चिसिने खतरा बढेको छ ।
नेवेलनीलाई साढे ३ वर्षका लागि जेल हालिए पछि त्यसको बिरुद्ध युरोप र अमेरीकाले प्रतिकृया दिएका थिए । हालका दिनमा नेवेलनीको पक्षमा प्रदर्शनहरु भएका थिए ।
नेवेलनीलाई जर्मनीमा उपचारपछि फर्किनासाथ पक्राउ गरिएको थियो । उनलाई बिष प्रयोग गरेर मार्न खोजिएको र त्यो षड्यन्त्र राष्टपति पुटिनले गरेको नेवेलनीले आरोप लगाउदै आएका थिए ।
