एजेन्सी माघ २३ । पाकिस्तानका प्रधानमन्त्री ईमरान खानले कास्मीरलाई स्वतन्त्र रहने या नरहने भन्ने बिषयमा जनमत संग्रह मार्फत आफनो भाग्यको फैसला आफै गर्न दिने प्रतिवद्धता पुरा नगरेको बताएका छन् ।
सन १९४८ मा राष्ट्रसंघले कास्मीरमा जनमत संग्रह गराउने निर्णय गरेको थियो ।
आज कास्मीर एकता दिवसका अवसरमा आजाद कास्मीरमा आयोजित र्याली पछिको सभालाई संवोधन गर्दै प्रधानमन्त्री खानले कास्मीरी जनतालाई पाकिस्तानको हिस्सा बन्ने या स्वतन्त्र भएर बस्ने अधिकार दिईने बताए ।
उनले भारतले कास्मीरी जनतालाई गुलाम बनाउन ९ लाख बढी फौज राखेको भन्दै दुनियामा काँही पनि सेनाले जनतामाथि बिजय हासिल गर्न नसकेको बताए ।
उनले कास्मीरको पक्षमा सिंगो विश्वभरका मुसलमान एक रहेको पनि बताए ।
विश्व समुदायले ईन्डोनेशियाको पुर्वी टिमोरलाई किश्चियन बाहुल्य भएका कारण जनमत संग्रह गराएको तर कास्मीरमा किन यो प्रतिवद्धता पूरा नगरेको भनी प्रश्न गरे ।
उनले आफूले सबै फोरमहरुमा कास्मीरको आवाज निरन्तर उठाउने पनि बताए ।
