एजेन्सी पुष १६ । यमनको दक्षिण शहर अदन स्थित विमानस्थलमा शक्तिशाली बम विष्फोट भएको छ । विष्फोटमा परी कम्तीमा २२ जनाको मृत्यु भएको छ भने ५० बढी घाईते भएको बिबिसीले जनाएको छ ।
साउदी अरबबाट नवगठित सरकारका सदस्यहरुलाई लिएर आएको विमान अवतरण गरे लगत्तै विष्फोट भएको थियो ।
मारिनेमा केही कर्मचारी र सरकारी अधिकारी रहेको बताईएको छ ।
प्रधानमन्त्री र उनको मन्त्रीमण्डल सकुसल रहेको बताईएको छ ।
सरकारले यस आक्रमणका लागि हुति बिद्रोहीलाई जिम्मेवार ठहर्याएको छ ।
प्रधानमन्त्रीमन्त्री अब्दुल मलिक सईद सहित मन्त्रीमण्डलका अन्य सदस्यहरुलाई सुरक्षाकर्मीले बाहिर निकालेका थिए ।
२०१५ मा गृहयुद्ध शुरु भए पछि देशको अवस्था निकै खराब भएको छ ।
हुति विद्रोहीकै कारण राष्ट्रपति अब्दुरबु मन्सुर हादी देश छाडेर भागे पछि साउदी नेतृत्वको सैन्य गठबन्धनले यमनमा हस्तक्षेप गरेको थियो । त्यस पछि देशको अबस्था अझ बर्बाद भएको बताईन्छ ।
६ बर्षको युद्धको अवधिमा एक लाख १० हजार बढीले युद्धका कारण ज्यान गुमाएका छन् साथै देशको गरीबी र कुपोषणका कारण पनि यस अवधिमा दशौँ हजार मानिसको मृत्यु भएको छ ।
