पुष १५ एजेन्सी । अमेरीकी ड्रग निर्माता कम्पनी फाईजर र जर्मनीको बायोनटेकले बनाएको कोरोना बिरुद्धको भ्याक्सिनको विस्वव्यापी चर्चा भयो । र अहिले यो अमेरीका, बेलायत लगायतका देशमा भ्याक्सिन दिन शुरु गरिएको छ ।
तर ती खोप कति विश्वसनीय र प्रभावकारी छन् भन्ने बिषय अहिले पनि उठीरहेको छ ।
अमेरीकाको क्यालिफोर्नियामा फाईजरको कोरोना भ्याक्सिन लगाएको एक महिनामा नै एक नर्सलाई कोरोना पोजेटिभ देखिएको छ । म्याथ्यु डब्लु नामकी ती नर्सले १८ डिसेम्बरमा कोरोनाको भ्याक्सिन लगाएकी थिईन् । उनी दुई अलग अलग अस्पतालमा काम गर्छिन् ।
एबीसी न्युजका अनुसार भ्याक्सिन लगाएको ६ दिन पछि नै क्रिसमसको पुर्व सन्ध्यामा कोविड युनिटमा काम गर्ने क्रममा उनी संक्रमित भएकी थिईन् । शुरुमा भ्याक्सिन लगाउदा कुनै साईड ईफेक्ट नदेखिए पनि पछि उनलाई चिसो लाग्ने र शरीरमा पीडा महसुस भएको थियो । त्यस पछि अस्पताल गएर कोरोना परीक्षण गर्दा उनमा पोजेटिभ पाईएको थियो ।
