मंसीर २७ काठमाण्डौं । भारतको किशान आन्दोलनले यतिखेर संसारको ध्यान तानेको छ । संसारभर छरिएका भारतीयहरुले किशानको पक्षमा प्रदर्शन गरेका छन् भने अन्तराष्ट्रिय समुदायबाट समेत किशान आन्दोलनको पक्षमा वकालत भए पछि मोदी सरकारले दबाब महसुस गरेको छ ।
किशानसगँको वार्ता सफल हुन नसकेका बेला आज किशानले जाम आन्दोलन अन्तर्गत सडकहरुमा बिशाल प्रदर्शनहरु गरीरहेका छन् ।
यसै बेला केही भारतीय सञ्चार माध्यममा भारतमा युद्ध लडिरहेको माओवादीको प्रसंग पनि जोडिएको छ । आजतक लगायतमा मिडियामा प्रकाशित प्रशारित खबर अनुसार किशानहरुलाई भाकपा माओवादीले हतियार उठाउन अपील गरेका छन् । पिपल्स लिवरेसन गुरिल्ला आमी ( पिएलजीए ) गठनको २० बर्ष पूरा भएको अवसरमा जारी भएको एक दस्तावेजको हवाला दिदै आजतक र ईन्डिया टुडेले उक्त दाबी गरेका हुन् । किशानले बर्गसंघर्ष गर्नु पर्ने र हतियार उठाउन जरुरी रहेको भनिएको छ । डिसेम्बर २००२ मा भारतीय माओवादीले जनमुक्ति सेना गठन गरेको थियो ।
