एजेन्सी मंसीर १२ । ईरानका परमाणु वैज्ञानिक मोहसिन फखरी जाहेदको आज हत्या भएको छ । ईरानी रक्षा मन्त्रालयका अनुसार राजधानी तेहरान नजिकै अबसार्ड शहरमा उनी चढेको गाडीमा आतंकवादीहरुले हमला गर्दा उनको निधन भएको हो ।
हमला पछि तत्कालै अस्पताल लगिए पनि उनलाई बचाउन नसकिएको अधिकारीहरुले जनाएका छन् ।
ईरानका बिदेश मन्त्री मोहम्मद जवाद जरीफले यसलाई राज्य प्रायोजित आंतकको घटना भनेका छन् ।
पश्चिमा देशका जासुसी एजेन्सीहरुले मोहसिनलाई परमाणु गोप्य कार्यक्रमहरुमा हात रहेको बताउदै आएका थिए । विदेशी राजनीतिकहरुले मोहसिनलाई ईरानको परमाणु बमको पिताको रुपमा ब्याख्या गर्दथे ।
सन् २०१० देखि १२ को बीचमा ईरानका चारब जना परमाणु वैज्ञानिकको हत्या भएको थियो र यस हत्यामा ईजरायललाई जिम्मेवार ठहर्याईएको थियो ।
स्थानीय प्रत्यक्षदर्शीले मोहसिनका अंगरक्षकको प्रतिकार्बाहीमा चार जना हतियारधारी पनि मारिएको बताईएको छ ।
ईरानका विदेश मन्त्री जवाद जरीफले ट्वीटरमा यो हत्यामा ईजरालयको हात रहेको संकेत देखिएको बताएका छन् ।
