एजेन्सी ।
विश्वभरीको स्वास्थ्यमा चासो राख्ने संगठन विश्व स्वास्थ्य संगठन (डब्ल्यूएचओ) ले महामारीको रुपमा फैलिएको कोरोना भाइरस (कोभिड–१९) को पहिचान गर्ने एउटा नयाँ उपकरणको विकास भइ रहेको बताएको छ ।
वास्तबमा उक्त उपकरणले गरिब तथा साधारण आय भएका देशहरुमा संक्रमण पत्ता लगाउने क्षमतामा निकै वृद्धि हुने बताइएको छ ।
डब्ल्यूएचओका अनुसार यो उपकरणबाट परीक्षण गर्दा मात्र ५ डलर अर्थात खर्च पर्छ मा पर्दछ र यसले ती देशलाई फाइदा हुनसक्छ जहाँ स्वास्थ्यकर्मीको कमी छ र प्रयोगशाला पनि कम छन् ।
संगठनका अनुसार यो परीक्षण विकसित गर्ने कम्पनीसँग जुन सम्झौता भएको छ, त्यसअनुसार कम्पनीले ६ महिनाभित्र १२ करोड परीक्षण गर्नेछ ।
डब्ल्यूएचओका महानिर्देशक डाक्टर टेडरोसले भने, ‘यो नयाँ उपकरण निकै सजिलै ल्याउन– लान सकिन्छ । यसले नतिजा पनि केही मिनेट ९१५ देखि २० मिनेट० भित्र नै प्रदान गर्दछ ।’
औषधी निर्माता कम्पनी ऐबोट एण्ड एसडी बायोसेनरले बिल एण्ड मेलिन्डा गेट्स फाउन्डेशनसँग मिलेर १२ करोड परीक्षण तयार गर्न सहमति जताएका छन् ।
यो सम्झौताको फाइदा संसारका १ सय ३३ देशलाई हुनेछ जसमा ल्याटिन अमेरिकाका थुप्रै देश समावेश छन् । यी देश महामारीले नराम्रोसँग प्रभावित छन् ।
पत्रकारसँगको कुराकानीमा डा.टेडरोसले भने, ‘परीक्षणको हिसाबले र अत्यधिक प्रभावित इलाकाका लागि यो एक महत्वपूर्ण उपलब्धि हुनेछ ।’
संगठनका अधिकारीहरुले यो उकरणको खुलेर प्रशंसा गरेकाछन् ।
