एजेन्सी असोज ९ । चीन र भारतबीच लद्धाखमा सीमा विवाद चरम तनावमा पुगेका बेला भारतीय अधिकारीले यदी चीनीया जनमुक्ति सेना अघि बढेमा भारतीय सेनाले गोली चलाउने चेतावनी दिएका छन् ।
द हिन्दुसगँ कुरा गर्दै यदी चीनीया सेना अघि बढेमा गोली चलाउने अधिकार भारतीय सेनालाई दिईएको ती अधिकारीले दाबी गरे ।
पैगोग सो लेक नजिक यो समस्या बढी देखिएको छ । सो क्षेत्रमा पटक पटक दुबै देशका सेनाले हवाइ फायर गरेका छन् ।
केही समय पहिला चीनीया र भारतीय रक्षा तथा विदेश मन्त्री स्तरमा पटक पटक भएको छलफलमा विवादको शान्तिपूर्ण समाधान गर्ने सहमति भए पनि लद्धाखमा तनाब बढीरहेको छ ।
बरिष्ठ सरकारी अधिकारीसगँ कुरा गरेको भन्दै हिन्दुले लेखे अनुसार राति वा दिउसो जुनसुकै समयमा गोली हान्न सक्ने चेतावनी चीनलाई ती अधिकारीले दिएका छन् ।
दुबै देशले क्षेप्यास्त्र, हतियार, लडाकु विमान र ठूलो संख्यामा सेना तैनाथ गरेका छन् ।
गलवान भ्यालीमा १५ जुनमा भएको झडपमा २० जना भारतीय सेना मारिए पछि भारत आक्रामक बन्दै गएको छ ।
