एजेन्सी ।
भारत र चीनको विवादित सिमा क्षेत्र गलवान घाटीमा चिनिँया सैनिकको मृत्यु भएको चिनिँया सरकारी मिडिया ग्लोबल टाइम्सले स्विकारको छ ।
ग्लोबल टाइम्सका सम्पादक सम्पादक हू शिजिनले बिहिबार ट्वीट गर्दै स्विकारेका हुन् ।
१५ जूनमा गलवान घाटीमा चीन र भारतीय सैनिकबीच हिंस्रक झडप भएको थियो । यसमा २० भारतीय सैनिकको मृत्यु भएको थियो ।
चीनका सैनिक कति संख्यामा हताहत भए यसको आधिकारिक जानकारी हालसम्म आएको छैन । ग्लोबल टाइम्सजस्तो पत्रिकाले पनि चिनियाँ सैनिकको मृत्यु अस्विकार गर्दै आएको छ ।
तर,अब पहिलो पटक यसै पत्रिकाका सम्पादकले चिनियाँ पक्षको क्षतीबारे स्विकारेका छन् ।
ग्लोबल टाइम्स पत्रिकाका सम्पादक हू शिजिनले बिहिबार आफ्नो ट्वीटमा भने, ‘जति मलाई थाहा छ त्यसको हिसाबले गलवान घाटीमा १५ जूनमा भारतका २० सैनिकको मृत्युको तुलनामा चिनियाँ सैनिक निकै कम हताहत भएका थिए । चिनियाँ सैनिक कसैलाई पनि भारतीय सैनिकले पक्राउ गरेका थिएनन् जबकी पिएलए (चीनको पिपल्स लिबरेशन आर्मी) का जवानले थुप्रै भारतीय सैनिकलाई पक्राउ गरेका थिए ।’
यो ट्वीटसहित एक भारतीय समाचार रिपोर्टको स्क्रिनसट पनि राखिएको थियो जसमा फेक न्यूजको मार्क लगाइएको थियो ।
बिहिबार रक्षामन्त्री राजनाथ सिंहले भारत चीनसामू नझुक्ने र हरेक प्रकारको चुनौतीका लागि तयार भएको बताएका छन् ।
यद्यपी चीनको सरकारी मिडिया ग्लोबल टाइम्सलाई कम्युनिष्ट पार्टीको मुखपत्र पनि भनिन्छ ।
