एजेन्सी असोज २ । पूर्व अमेरीकी मोडल एमी डोरिसले निर्वाचन नजिकिदै जाँदा राष्ट्रपति डोनाल्ड ट्रम्पमाथि यौन शोषणको आरोप लगाएकी छन् । उनले बेलायती अखबार गार्जियनलाई दिएको एक अन्तवार्तामा ५ सेप्टेम्बर १९९७ मा अमेरीकामा युएस ओपनको समयमा बाथरुमबाट आफू बाहिर निस्कनासाथ त्याहाँ खडा भएर बसेका ट्रम्पले एक्कासी अंगालो मारेर जबरजस्ती गर्दनमा किस गरेको, सबै अंगहरुमा हात पुर्याएको र आफूले बल गर्दा पनि ट्म्पको प्रतिकार गर्न नसकेको डोरिसले बताएकी छन् ।
त्यतिखेर ट्रम्प ५१ बर्षका थिए भने डोरिस २४ बर्षकी । यो घटनापछि आफू बिरामी परेको र अपमानित महसुस गरेको उनले बताएकी छन् ।
यस आरोपको ट्म्पले वकिलहरु मार्फत खण्डन गरेका छन् ।
डोरिस अहिले फ्लोरिडामा बस्छिन् । अहिले डोरिस ४८ बर्षकी छिन् र जुम्ल्याहा छोरी छन् ।
यस अघि पनि थुप्रै महिलाले ट्रम्पमाथि यौन शोषणको आरोप लगाएका थिए ।
