एजेन्सी, भदौं २९ । लामो समय प्रधानमन्त्री रहेका सिन्जो आवेले स्वास्थ्यका कारण राजीनामा दिए पछि जापानमा वर्तमान सरकारका मुख्य क्याबिनेट सेक्रेटरी रहेका योसिहिडे सुगा नयाँ प्रधानमन्त्री बन्ने निश्चित भएको छ ।
सोमबार जापानिज सत्तारुढ पार्टी लिबरल डेमोक्रेटिक (एलडीपी) ले सुगालाई सिन्जो आबेको स्थानमा नयाँ नेता चुनेसँगै उनी प्रधानमन्त्री बन्ने पक्का भएको हो ।
उनको पक्षमा ५३४ मध्ये ३७७ मत परेको थियो । सुगाले आबेको मन्त्रिमण्डलमै परराष्ट्र मन्त्री रहेका थिए । फुमिओ किशिडा र रक्षा मन्त्री रहेका शिगेरु इसिबालाई पराजित गरे ।
यद्यपि, प्रधानमन्त्री चयनका लागि भने बुधबार बस्ने संसद बैठकले निर्णय लिने जनाइएको छ ।
जापानको संसदमा सत्तारुढ एलडीपी पार्टीको नै बहुमत रहेको छ । सन् २०२१ को सेप्टेम्बरमा हुने निर्वाचनसम्म नयाँ प्रधानमन्त्रीको कार्यकाल रहने छ ।
