भदौ २२ काठमाडौँ । रोजगारीका लागि मलेशिया पुगेका एक नेपालीलाई त्याहाँको उच्च अदालतले मृत्युदण्डको फैसला सुनाएको छ । मलेशियाका एक स्थानीय नागरिकको हत्या गरेकोमा दोषी ठहर गर्दै त्यस अदालतले धनुषाका ३६ वर्षीय सुरजदेव शाह तेलीलाई मृत्युदण्डको सजाय तोकेको छ ।
तेलीले मलेसियाको कम्पुङस्थित ३४ वर्षीय नागरिकलाई घरमै हत्या गरेको ठहर सहित १७ अगष्टमा उक्त सजाय सुनाईएको छ ।
नेपाली राजदुतावासले तेलीको जीवन रक्षाका लागि पुनरावेदन गरेको जनाएको छ ।
ती मलेशियाली नागरिकलाई करीब चार बर्ष अघि हत्या भएको जनाईएको छ ।
तेली सन् २००६ मा मलेशिया पुगेका थिए । यस अघि पनि केही नेपालीलाई मृत्यु दण्डको सजाय तोकिएको थियो । दुतावासले जीवन रक्षाका लागि उनीहरुको समेत पुनरावेदन गरेको थियो ।
यस अघि एक नेपालीलाई कतारमा गोली हानेर मृत्युदण्ड दिईएको थियो ।
राजेगारीका लागि खाडी मुलुक पुगेका नेपालीहरु विभिन्न समस्यामा पर्दै आएका छन् ।
