एजेन्सी भदौ २ । विश्वमा ठूलो महामारीका रुपमा फैलिएको कोरोना भाईरस बिरुद्ध रुसले सबै भन्दा पहिले तयार पारेको भ्याक्सिन लगाउन फिलिपिन्सका राष्ट्रपति रोड्रिगो डुटेरे र मेक्सीकोका राष्ट्रपति आन्द्रेज़ मेनवेल लोपेज़ ओबराडोर तयार भएका छन् ।
उनले नियमित पत्रकर सम्मेलनमा यो भ्याक्सिन लगाउने पहिलो मान्छेहरुको सूचीमा आफू पनि पर्न तयार भएको बताए ।
मेक्सिकोमा कोरोनाले ५६ हजार बढी मानिसको मृत्यु भईसकेको छ भने साढे ५ लाख बढी संक्रमित भएका छन् ।
फिलिपिन्सका राष्ट्रपतिले यस अघि नै घोषणा गरीसकेका थिए भने मेक्सीकोका राष्ट्रपति ओबराडोरले हालै उक्त घोषणा गरेका हुन् ।
शुरुमा विरोध गरे पछि पछिल्लो समय अमेरीकी राष्ट्रपति डोनाल्ड ट्रम्प समेत रुसी भ्याक्सिन प्रति सकारात्मक भएका छन् ।
रुस कोरोना बिरुद्धको भ्याक्सिन तयार पार्ने विश्वमै पहिलो राष्ट्र बनेको छ ।
पहिलो खेपको उत्पादन उसले तयार पारीसकेको छ ।
विश्वका २० भन्दा बढी देशले कोरोना बिरुद्धको रुसी भ्याक्सिन खरीद गर्न तयार भएको बताईएको छ ।
रुसी राष्ट्रपति भ्लादीमीर पुटिनकी छोरीलाई पहिलो पटक औपचारीक रुपमा यो भ्याक्सिन दिईएको थियो ।
२ महिना ट्रायल पछि यो भ्याक्सिन रुसले दर्ता गरेको थियो । यही सेप्टेम्बर महिनाबाट उत्पादन बृद्धि गर्ने र अक्टोबरबाट आम मान्छेमा उक्त भ्याक्सिन दिईदै छ । रुसले आफ्नै देशका ३ करोड नागरिकलाई उक्त भ्याक्सिन लगाउने छ ।
