एजेन्सी साउन २९ । रुसले विश्वमै सबै भन्दा पहिला कोरोना बिरुद्धको भ्याक्सिन तयार पारे पछि अमेरीका, बेलायत लगायतका देशले उठाएको आशंका खारेज गर्दै यस्तो प्रश्न र आशंका वाहियात भएको स्पष्ट पारेको छ ।
रुसी स्वास्थ्यमन्त्री मिखाईल मुरास्कोले रुसी समाचार एजेन्सी ईन्टरफ्याक्ससगँ कुरा गर्दै भने, हाम्रा विदेशी साथीहरुलाई रुसी दबाई प्रतियोगीतामा अगाडी आयो र यसको फाईदाको अनुमान भयो होला र यस्तो प्रश्न उठाउदैछन् जो विलकुल गलत छ ।
उनले औपचारीक रुपमा यो भ्याक्सिन अब दुई हप्तामा पहिलो उत्पादन आउने र त्यो शुरुमा चिकित्सकहरुलाई लगाईने पनि स्पष्ट पारे ।
त्यस पछि अक्टुबर महिनाबाट करोडौ रुसी जनतालाई भ्याक्सिन दिन थालिने पनि जनाईएको छ ।
यस अघि रुसी राष्ट्रपति भ्लादीमीर पुटिनकी छोरीलाई यो भ्याक्सिन दिईएको थियो ।
विश्व स्वास्थ्य संगठन, अमेरीका, बेलायत र केही युरोपेली देशहरुले यो भ्याक्सिनमाथि आशंका जनाएका थिए ।
