एजेन्सी साउन ८ । विश्व स्वास्थ्य संगठनले सन् २०२१ भन्दा यता कोरोना बिरुद्धको भ्याक्सिन आउने आशा नरहेको स्पष्ट गरेको छ ।
विश्वभर कोरोना विरुद्धको भ्याक्सिन परीक्षण तीव्र बनिरहेका बेला डब्लुएचओले यस्तो बताएको हो ।
डब्लुएचओका कार्यकारी निर्देशक डा. मायक रायनले विश्वभर शोधकर्ताहरुले भ्याक्सिनमा सफलता पाउदै गएको तर पनि सन् २०२१ को शुरुवात पछि मात्रै भ्याक्सिन उपलव्ध हुन सक्ने बताए ।
डा. रायनले भ्याक्सिन बरु ढिलो होस् तर सुरक्षाको सम्पूर्ण मापदण्ड पूरा गर्न पनि सुझाव दिएका छन् ।
उनले हामीले मानिसहरुसगँ आखाँ जुधाउने हिम्मत चाहिन्छ,हामीले उनीहरुलाई भ्याक्सिन दिनु अघि सुरक्षाका सबै मापदण्ड पूरा भएको सुनिश्चित गर्नु पर्छ, डा. रायनले भने ।
भ्याक्सिन तेस्रो चरणको परीक्षणमा पुगेको छ र अहिले सम्म सकारात्मक नतिजा छ तर यति हुदाँ हुदै पनि यो आम मानिसका लागि सन् २०२१ को शुरुवाती चरण भन्दा अघि आउने संभावना एक दमै कम छ उनले भने ।
